كيفية تنزيل ويندوز 7 على الجهاز
السلام عليكم ورحمه الله وبركاته
اهلا ومرحبا بكم زوار ورواد مدونة خرب واحنا نصلح فى تدوينة جديده وحصريه وهى
شرح تنزيل ويندوز 7 بالتفصيل
ازاي أنزل windows 7 في 9 خطوات !!
تابع للآخر .. هنشرح فيه بالتفصيل الخطوات .. بسم الله
أولا لازم يكون عندك اسطوانة الويندوز .. ولو مفيش اسطوانة ممكن بفلاشة عادية ( وشرحت إزاي تنزل ويندوز بالفلاشة في بوست آخر )
الخطوات :
بعد ما تركب ال DvD في الجهاز او الفلاشه، بنعمل خطوة اسمها boot
ودي بتختلف من جهاز لآخر .. عندك مثلا
(الاجهزة ال Dell او توشيبا واغلب الاجهزه القايمة ال boot بتاعتها من F12 ـ ال hp من F9 )
1- أول ما تفتح الجهاز بتضغط F12 بسرعة > تظهرلك قايمة ال Boot بتختار منها ال DvD او USB لو فلاشه طبعا وتضغط Enter .. هتظهرلك الجملة دي :
press any key to boot from cd or dvd ....
اضغط علي أي زرار في ال keyboard هتلاقي الويندوز بدأ يفتح معاك ( صورة 1 و 2 و3 )
2- اختار اللغة المفضلة ليك او سيبها زى ما هى كده انجليزى واضغط next ( رقم 4 في الصورة )
3- بعد كده تضغط install now (رقم 5 في الصورة )
4- اختار custom advanced واضغط next (رقم 6 في الصورة )
5- هتلاقي ال بارتيشنز ظهرت ادامك (اوعي تعلم علي ال c وتدوس next)
لأنك كده هتنزل ويندوز ع الويندوز القديم والجهاز هيبقي تقيل ومش شغال كويس
6- هتلاقي اختيار تحت البارتيشنز اسمه (Driver option advanced ) دوس علي هيظهرلك أدوات كتير منها اداة الفورمات ( رقم 7 في الصورة )
7- علم علي بارتيشن ال C ودوس فورمات .. وبكده كل حاجة ع ال C هتتمسح (خلي بالك من الداتا بتاعتك) انقلها قبل ما تعمل الويندوز جواه الجهاز
8- لو عندك بارتيشن 100 ميجا اسمه System علم عليه واعمله فورمات هو كمان لأنه تبع ال windows القديم ..
9- بعد ما تخلص موضوع الفورمات (format) علم علي بارتيشن ال c ودوس next .. ومبروك عليك الويندوز (رقم 8 و 9 في الصورة )
وكل الكلام دا هتلاقوه في الصورة دي
اعمل شير لو عجبك الموضوع
والناس اللى محتاج ويندوز 7 او اى ويندوز تانى عاوزه تحمله اتفضل من هنا
والناس اللى محتاج ويندوز 7 او اى ويندوز تانى عاوزه تحمله اتفضل من هنا
لو في أي استفسار اكتب تعليق أو رسالة للصفحة وهنرد عليك بالتفصيل
ليست هناك تعليقات: